ជំនួយចំនួនមួយកុងធើណឺត្រូវបានដឹកមកដល់សាលា ដុន បូស្កូ ខេត្តព្រះសីហនុ

លោកឪពុកនាយកសាលាបច្ចេកទេស ដុន បូស្កូ ខេត្តព្រះសីហនុ

នៅវេលាម៉ោង៩យប់ ថ្ងៃទី៨ ឆ្នាំ២០១២ រថយន្តសណ្តោងកុងធើណឺមួយគ្រឿងបានដឹកទំនិញដែលសុទ្ធសឹងជាជំនួយរបស់អ្នកសប្បុរសនៅឯបរទេស។ នៅខណៈនោះគេសង្កេតឃើញ មាននិស្សិតស្នាក់ក្នុងរបស់សាលាបច្ចេកទេស ដុន បូស្កូ ខេត្តព្រះសីហនុចំនួនពីរក្រុម ក្នុងមួយក្រុមៗ មានគ្នាចំនួន២១នាក់ ធ្វើការជញ្ជូនទំនិញបណ្តាក់គ្នាយ៉ាងសស្រាក់សស្រាំ ដោយពុំមានគ្រោះថ្នាក់ជាយថាហេតុណាមួយបានកើតឡើងនោះទេ។ នៅវេលាម៉ោង១២:០០ រំលងអាធ្រាត ទំនិញត្រូវបានជញ្ជូនអស់ពីកុងធើណឺ។ បើតាមប្រសាសន៍របស់លោកឪពុកនាយកសាលាបច្ចេកទេស ដុន បូស្កូខេត្តព្រះសីហនុ បានឲ្យដឹងថា ទំនិញទាំងនេះសុទ្ធសឹងជាជំនួយដែលបានដឹកមកពីប្រទេសហូឡង់។ ជំនួយទាំងនោះភាគច្រើនជាសំភារៈបរិក្ខាបច្ចេកទេស គ្រឿងសង្ហារឹម ថ្នាំលាបជញ្ជាំង កង់ និងប្រភេទទំនិញស្រោបកេះជាច្រើនផ្សេងទៀត។ រថយន្តកុងធើណឺបានចាកចេញពីសាលា ដុន បូស្កូ ដែលមានទីតាំងស្ថិតនៅ ក្រុមទី១៣ ភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ នៅម៉ោង១២ និង២០នាទីយប់ឈានចូលថ្ងៃទី៩ ខែធ្នូ ឆ្នាំ២០១២។ លុះរហូតដល់ព្រឹកថ្ងៃទី១០ ធ្នូ ២០១២ ជំនួយ២ភាគ៣ត្រូវបានបញ្ជូនបន្តទៅកាន់សាលា ដុន បូស្កូខេត្តបាត់ដំបង និងសាលា ដុន បូស្កូខេត្តបន្ធាយមានជ័យ៕

ព្រះរាជជីវប្រវត្តិ ព្រះបាទនរោត្តម សីហនុ

ព្រះបាទនរោត្តម​ សីហនុ

ព្រះករុណា ព្រះបាទសម្ដេចព្រះ នរោត្ដម សីហនុ ព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូតនៅថ្ងៃអង្គារ ១១ កើត ខែកក្ដិក ឆ្នាំច ចត្វាស័ក ព.ស.២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា។ ការសិក្សា ពីឆ្នាំ១៩៣០ ដល់ឆ្នាំ១៩៤០ ព្រះអង្គបានចូលសិក្សា នៅសាលាបឋមសិក្សា François Baudoin និងវិទ្យាល័យព្រះស៊ីសុវត្ថិ រាជធានីភ្នំពេញ ក្រុងភ្នំពេញ។ បន្ទាប់មក ព្រះអង្គបានបន្តការសិក្សានៅវិទ្យាល័យបារាំង សាសលូឡូបា (Lycée Chasseloup Laubat) នៅព្រៃនគរ (វៀតណាមខាងត្បូង)។ នៅឆ្នាំ១៩៤៦ និង១៩៤៨ ព្រះអង្គបានបន្តការសិក្សាជាន់ខ្ពស់ នៅសាលាអនុវត្តទ័ពសេះ និងកងទ័ពរថពាសដែកនៅសូមៀរ (Saumur) ប្រទេសបារាំង។ ការគ្រងរាជ្យសម្បត្តិលើកទី១ នៅខែមេសា ឆ្នាំ១៩៤១ ក្រុមប្រឹក្សាព្រះរាជបល្ល័ង្គ បានជ្រើសតាំង និងថ្វាយព្រះរាជឋានៈព្រះអង្គជា ព្រះមហាក្សត្រ នៃព្រះរាជាណាចក្រកម្ពុជា នៅរាជធានីភ្នំពេញ។ ព្រះអង្គឡើងគ្រងរាជសម្បត្តិនៅថ្ងៃទី២៨ ខែតុលា ឆ្នាំ១៩៤១។បន្ទាប់ពីប្រទេសកម្ពុជាបានទទួលឯករាជ្យពីប្រទេសបារាំង ព្រះអង្គបានដាក់រាជ្យថ្វាយព្រះបិតានៅថ្ងៃទី០២ ខែមីនា ឆ្នាំ១៩៥៥ ។ ការគ្រងរាជ្យសម្បត្តិលើកទី២ ព្រះអង្គទ្រង់បានឡើងគ្រងរាជ្យជាលើកទី២ នៅថ្ងៃទី២៤ កញ្ញា ១៩៩៣ ហើយទ្រង់បានដាក់រាជ្យវិញនៅថ្ងៃទី០៧ ខែ តុលា ឆ្នាំ ២០០៤។ ក្រោយពីការដាក់រាជ្យ ព្រះអង្គត្រូវបានគេថ្វាយព្រះនាមថា ព្រះមហាវីរក្សត្រ ។ ព្រះរាជបូជនីយកិច្ច ក្នុងឆ្នាំ១៩៤៧ ព្រះបាទសម្ដេចព្រះនរោត្ដម សីហនុ ព្រះអង្គមានមហាជោគជ័យក្នុងការទាមទារឲ្យរាជាណាចក្រថៃឡង់ដ៍ សងមកព្រះរាជអាណាចក្រកម្ពុជាវិញជាដាច់ខាតនូវខេត្តខ្មែរ ដែលក្នុងពេលមានចម្បាំងសកលលោកលើកទី២ ថៃឡង់ដ៍បានយកពីកម្ពុជាទៅ គឺខេត្តបាត់ដំបង សៀមរាប កំពង់ធំ ស្ទឹងត្រែង។ ឆ្នាំ១៩៤៩ ព្រះអង្គបានទាមទារឲ្យប្រទេសបារាំង បញ្ឈប់នូវសន្ធិសញ្ញាអាណាព្យាបាល ដែលបានចុះហត្ថលេខានៅឆ្នាំ១៨៦៣ និងឆ្នាំ១៨៨៤។ នៅឆ្នាំ១៩៤៩ដដែល ព្រះអង្គបានឡាយព្រះហត្ថលេខា លើសន្ធិសញ្ញាឯករាជ្យ ដែលប្រទេសបារាំងព្រមទទួលស្គាល់តាមផ្លូវច្បាប់នូវឯករាជ្យរបស់ព្រះរាជអាណាចក្រកម្ពុជា។ សន្ធិសញ្ញាឆ្នាំ១៩៤៩ នេះ លុបចោលនូវសន្ធិសញ្ញាអាណាព្យាបាលឆ្នាំ១៨៦៣ និងឆ្នាំ១៨៨៤។ ពីឆ្នាំ១៩៥២ ដល់១៩៥៣ ព្រះអង្គបានយាងបំពេញព្រះរាជបូជនីយកិច្ចទាមទារកេតនភណ្ឌឯករាជ្យ១០០ភាគរយជូនជាតិមាតុភូមិ។ នៅថ្ងៃទី០៩ ខែវិច្ឆិកា ឆ្នាំ១៩៥៣ ដោយស្នាព្រះហត្តដ៏ឧត្ដុង្គឧត្ដមរបស់ព្រះអង្គ ព្រះរាជអាណាចក្រកម្ពុជាបានទទួលឯករាជ្យទាំងស្រុងពីសាធារណរដ្ឋបារាំង។ ប្រជារាស្ត្រកម្ពុជាទូទាំងប្រទេស សូមថ្វាយព្រះកិត្តិនាមព្រះអង្គជា “ព្រះមហាវីរបុរសជាតិ – ព្រះបិតាឯករាជ្យជាតិ”។ ថ្ងៃទី១៥ មិថុនា ១៩៥២ ព្រះបាទនរោត្តមសីហនុវរ្ម័ន ទ្រង់បានថ្លែងជាឱឡារិកថា ព្រះអង្គនឹងខិតខំស្វែងរកឯករាជ្យបរិបូរជូនជាតិ មាតុភូមិឲ្យបានដាច់ខាតក្នុងរយៈពេល៣ឆ្នាំ។ ក្នុងពេលនោះ ដោយមានសហការីជួយគាំទ្រផង ព្រះអង្គទ្រង់យាងទៅកាន់ប្រទេសបារាំងក្នុងខែកុម្ភៈ១៩៥៣។ នៅទីនោះ ព្រះអង្គបានផ្ញើសារលិខិតជូនលោក វ៉ាំងសង់អូរីយ៉ូល ប្រធានាធិបតីនៃសាធារណរដ្ឋបារាំង ចំនួន៣លើក៖ • លើកទី១ ថ្ងៃទី ៥ មីនា ១៩៥៣ ពីទីក្រុងណាពូល • លើកទី២ ថ្ងៃទី ១៨ មីនា ១៩៥៣ ពីទីក្រុងណាពូលដែរ • លើកទី៣ ថ្ងៃទី ៣ មេសា ១៩៥៣ ពីទីក្រុងផុងតែណឺប្លូ។ ដោយរដ្ឋាភិបាលបារាំងពុំមានអើពើអ្វីនឹងសំណើនោះ ព្រះអង្គទ្រង់សម្រេចព្រះទ័យយាងទៅធ្វើយុទ្ធនាការទាមទារឯករាជ្យនៅក្នុងប្រទេសកាណាដា និងសហរដ្ឋអាមេរិកទៀត។ នៅកាណាដា ក្នុងទីក្រុងម៉ុងរេអាល់ ទ្រង់បានថ្លែងទៅពួកអ្នកសារព័ត៌មានដោយសង្កត់ធ្ងន់លើបញ្ហាពីរទាក់ទងនឹងរាជាណាចក្រកម្ពុជា និងប្រទេសបារាំង ដែលជាតំណាងប្រទេសលោកសេរី ក្នុងឥណ្ឌូចិន៖ • ទី១ គឺបញ្ហាប្រយុទ្ធប្រឆាំងនឹងពួកកុំមុយនីស • ទី២ គឺបញ្ហាឯករាជ្យបរិបូរសម្រាប់ព្រះរាជាណាចក្រកម្ពុជា។ យោងលើបញ្ហានេះ ព្រះអង្គទ្រង់បញ្ជាក់ថា ប្រជាពលរដ្ឋខ្មែរពុំត្រូវការរបបកុំមុយនីសទេ ព្រោះថាប្រជាពលរដ្ឋខ្មែរម្នាក់ៗសុទ្ធតែមានដីធ្លីជាកម្មសិទ្ធិ សម្រាប់បង្កបង្កើនផលរបស់ខ្លួន។ បញ្ហាដែលគេចង់បាននោះគឺ ឯករាជ្យបរិបូរសម្រាប់ប្រទេសជាតិ។ ចំណែកពួកកុំមុយនីស គេមើលឃើញថាប្រទេសកម្ពុជា ជាទីតាំងមួយប្រសើរសម្រាប់ពួកគេ។ នៅសហរដ្ឋអាមេរិក ព្រះអង្គទ្រង់ធ្វើសេចក្ដីថ្លែងការណ៍មួយដែលត្រូវបានសារព័ត៌មានដ៏ធំមួយឈ្មោះ ញូវយ៉កថែម ចុះផ្សាយក្នុងទំព័រទី១របស់គេ នៅថ្ងៃទី ១៩ មេសា ១៩៥៣ ដែលធ្វើឲ្យពិភពលោកទាំងមូលមានការភ្ញាក់ផ្អើល។ ខ្លឹមសារគឺ “… បើបារាំងមិនយល់ព្រមប្រគល់ឯករាជ្យឲ្យកម្ពុជាទេនោះ នឹងមានគ្រោះថ្នាក់មួយយ៉ាងពិតប្រាកដ គឺថាប្រជាពលរដ្ឋខ្មែរនឹងក្រោកឈរឡើងប្រឆាំងនឹងបារាំង ហើយគេនឹងងាកទៅរកចលនាវៀតមិញ ដែលដឹកនាំដោយពួកកុំមុយនីស”។ ក្នុងករណីមានការគំរាមកំហែង ប្រជាពលរដ្ឋប្ដេជ្ញាថា “ពួកបារាំងទាំងអស់ដែលនៅក្នុងស្រុកខ្មែរ នឹងត្រូវឡោមព័ទ្ធ ហើយជីវិតចុងក្រោយរបស់ពួកគេនឹងមកដល់ … “។ ព្រះបញ្ញាញាណខាងលើនេះ បានធ្វើឲ្យមតិសកលលោក ពិសេសលោកខាងលិច តម្រូវឲ្យរដ្ឋាភិបាលបារាំងព្រមចូលរួមធ្វើការចរចាជាមួយរដ្ឋាភិបាលកម្ពុជា ស្ដីពីឯករាជ្យបរិបូរនៃរាជាណាចក្រកម្ពុជា។ រដ្ឋប្រហារ នៅថ្ងៃទី ១៨ មីនា ១៩៧០ ព្រះអង្គត្រុវសេនាប្រមុខ លន់ ណុល ធ្វើរដ្ឋប្រហារតំលាក់ព្រះអង្គចេញពីតំណែង ខណៈពេលដែលព្រះអង្គបានយាងទៅបំពេញទស្សនកិច្ចនៅបរទេស ដោយបង្កើតរដ្ឋាភិបាលថ្មីមួយឈ្មោះ សាធារណរដ្ឋខ្មែរ ។ រដ្ឋាភិបាលថ្មីនេះត្រូវបានទទួលស្គាល់ពីសហរដ្ឋអាមេរិក ។ ការសោយទីវង្គត ព្រះករុណាព្រះបាទនរោត្ដមសីហនុ ព្រះវរបិតាឯករាជជាតិ ទ្រង់បានសោយព្រះទីង្គតនៅថ្ងៃច័ន្ទ ទី ១៥ ខែតុលា ឆ្នាំ ២០១២ ត្រូវនឹងថ្ងៃ ១៥ រោច ខែ ភទ្របទ ឆ្នាំរោង ចត្វាស័ក វេលាម៉ោង ១ និង ២០ នាទីយប់ (ម៉ោងនៅរាជធានីភ្នំពេញ) នៅទីក្រុងប៉េកាំង ប្រទេសចិន ដោយជរាពាធ។ ព្រះសពរបស់ទ្រង់ត្រូវបានដង្ហែរពីទីក្រុងប៉េកាំងមកកាន់រាជធានីភ្នំពេញ ដោយព្រះករុណាព្រះបាទសីហមុនី និង សម្ដេចតេជោនាយករដ្ឋមន្ត្រីហ៊ុនសែន នៅថ្ងៃទី ១៧ ខែតុលា វេលាម៉ោង ២:៣០ រសៀល។ ការដង្ហែរព្រះបរមសពពីប្រលានយន្តហោះអន្តរជាតិភ្នំពេញ មក ព្រះបរមរាជវាំងកាត់តាមវិមានឯករាជ្យ បានបញ្ចប់នៅម៉ោង ៥:៣០ ល្ងាច ដោយមានប្រជានុរាស្ត្រប្រមាណជាង ១ ០០០ ០០០ (មួយលាន) ទៅជាង ១ ២០០ ០០០ (មួយលានពីរសែន) នាក់មកចាំដង្ហែរដែលមានទាំងបព្វជិត និង គ្រហស្ថ។ ព្រះបរមសពរបស់ទ្រង់នឹងដំកល់នៅព្រះបរមរាជវាំងយ៉ាងតិច ៣ ខែ៕

លទ្ធផលប្រលងចូលសាលាបច្ចេកទេស ដុន បូស្កូ ខេត្តព្រះសីហនុ

Entrance 2012 Final 23 August 2012

លោកអភិបាល អូលីវីយេ ធ្វើអភិបូជា ក្នុងថ្ងៃបុណ្យព្រះនាងម៉ារីនៅសាលា ដុន បូស្កូខេត្តព្រះសីហនុ

ក្រុមនិស្សិតផ្នែកទំនាក់ទំនងសង្គម និងសារព័ត៌មាន

កម្ពុជាសម័យបុរាណ

ក្បាច់រាំរបស់និស្សិតផ្នែកទំនាក់ទំនងសង្គម

ពត៌មានរូបភាពទិដ្ឋភាពតាមដងផ្លូវខេត្តព្រះសីហនុ

គ្រោះថ្នាក់ចរាចរណ៍មួយនៅក្នុងខេត្តព្រះសីហនុ

ការសិក្សារបស់និស្សិតផ្នែកលាខាធិការ

តើកម្ពុជា អាចទប់ស្កាត់គម្រោង សាងសង់អង្គរវត្ត របស់ឥណ្ឌាបានដែរឬទេ?

ក្រសួងពាណិជ្ជកម្ម បានកំពុងរៀបចំ ស្រាវជ្រាវឯកសារ បែបបទតាមច្បាប់ ដើម្បីទប់ស្កាត់ គម្រោង សាងសង់ប្រាសាទអង្គរវត្តរបស់ប្រទេសឥណ្ឌា។

ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម លោក ចម ប្រសិទ្ធ បានថ្លែងប្រាប់អ្នកយកព័ត៌មានបន្ទាប់ពីបញ្ចប់ កិច្ចសំណេះសំណាលជាមួយប្រតិភូពាណិជ្ជកម្មអាមេរិក នៅថ្ងៃទី១៩ ខែមីនា ឆ្នាំ២០១២ នៅទីស្តីការក្រសួង ពាណិជ្ជកម្មថា ស្ថាប័នរបស់លោកនឹងធ្វើប្រតិកម្ម ចំពោះប្រទេសឥណ្ឌាដែលគ្រោងសាងសង់ប្រាសាទអង្គរវត្ត ដោយគម្រោងសាងសង់អង្គរវត្តនេះគឺរំលោភកម្មសិទ្ធិបញ្ញារបស់កម្ពុជា។

លោកបញ្ជាក់ថា«យើងមិនដែលបានផលដែលគេយករូបភាពរបស់អង្គរវត្តទៅប្រើប្រាស់ ហើយគេបានលុយ ពីអង្គរវត្ត នៅពេលដែលរដ្ឋាភិបាលយើងមិនដែលបានលុយពីហ្នឹងទេ ឥឡូវយើងគ្រោះថ្នាក់មួយ ទៀត ឥណ្ឌា ចង់ឲ្យអង្គរវត្តកសាងមួយនៅស្រុកគាត់ ឲ្យដូចគ្នា ហើយធំជាងយើងទៀត អាហ្នឹងជាកម្ម សិទ្ធិបញ្ញារបស់យើង ពិតមែនជាប្រាសាទរចនាបទហិណ្ឌូ ក៏ប៉ុន្តែនេះរចនាបទហិណ្ឌូ នៅកម្ពុជា មិននៅឥណ្ឌាទេ។ បើគេយក ទៅធ្វើ នោះគឺយកកម្មសិទ្ធិបញ្ញារបស់យើងទៅធ្វើហើយ គឺយើងត្រូវប្រតិកម្ម»។

ប្រធានសមាគមទីភ្នាក់ងារទេសចរណ៍ លោក អាង គឹមអៀង ថ្លែងថាលោកមិនស្វាគមន៍ទេ ចំពោះគម្រោង របស់ឥណ្ឌា ដែលចង់សាងសង់អង្គវត្ត ដោយចំលងពីកម្ពុជា។ ការសាងសង់នេះគឺ ចូលចម្លងដោយគ្មាន ការអនុញ្ញាតពីម្ចាស់ដើម(កម្ពុជា) ដែលបំពាននឹងច្បាប់កម្មសិទ្ធិបញ្ញា។ លោកនិយាយថា«ខ្ញុំគិតថា ការសាង សង់ នោះ គឺជាការលូចចម្លង ដោយមិនមានការអនុញ្ញាតពីខ្មែរ ម្ចាស់ដើម ពីយូនីស្កូ គឺជាការមួយមិនមាន ភាពថ្លៃថ្នូរ»។

គួរបញ្ជាក់ថា ក្រុមកាន់លទ្ឋិសាសនាហិណ្ឌូបានចាប់ផ្តើម គម្រោងរបស់ខ្លួនរយៈពេល១០ឆ្នាំ ដើម្បីសាងសង់ប្រាសាទឲ្យដូចប្រាសាទអង្គរវត្តដែល ចំណាយទឹកប្រាក់ ២០លានដុល្លារសហរដ្ឋអាមេរិក។ ពួកគេបានជ្រើសរើសទីតាំងនៅតាមបណ្តោយ ទន្លេរបស់សាសនាហិណ្ឌូ Ganges ស្ថិតនៅទីក្រុងប៉ាតណា (Patna) នៃរដ្ឋបៃហៀរប្រទេសឥណ្ឌា៕

ការប្រលងឆមាសក្នុងឆ្នាំសិក្សា២០១២ របស់សាសា ដុន បូស្កូ ខេត្តព្រះសីហនុ

សាសាបច្ចេកទេស ដុន បូស្កូ ខេត្តព្រះសីហនុ និងធ្វើការប្រលងឆមាសលើកទី១ ក្នុងឆ្នាំសិក្សា២០១១-២០១២ ដែលនឹងប្រព្រឹត្តិទៅនៅថ្ងៃអង្គារដើមសប្តាហ៍ក្រោយនេះ។ តាមប្រភពពីថ្នាក់ដឹកនាំសាលាបានឲដឹងថា សាលានឹងធ្វើការប្រលងឆមាលើកទី១ នៅថៃ្ងទី២០ ខែមីនា ដល់ថ្ងៃទី២២ឆ្នាំ២០១២ខាងមុខនេះ សម្រាប់និស្សិតឆ្នាំទី១ និងចាប់ពីថ្ងៃទី២៣ ដល់២៤ ខែមីនាសំរាប់និស្សិតឆ្នាំទី២។ ដែលមាននិស្សិតប្រមាណជា នាក់៣៨០នាក់នឹងចូលរួមការប្រលងផងដែរ។ គួររំលឹកផងដែរថាសាលាបច្ចេកទេស ដុ​ន​ បូស្កូ គឺជាសាលាអង្គការក្រៅរដ្ឋាភិបាល។

សកម្មភាពប្រលងនិស្សិតសាលាបច្ចេកទេស ដុន បូស្កូ ខេត្តព្រះសីហនុ